بشروه أني ابرحل

وعبر ممرات الزمن وابداعات الاقلام.. تذكرت قصيدة بعنوان بشروه ,,,اني ابرحل!! قد قراتها في احد المنتديات..

بشروه اني ابرحل من حياته
بشروه وفرحوا فيني ذويه

كفنوا جسمي بماضي ذكرياته
ادفنوني في المكان الي يبيه

أطلبوا منه اذا خلص صلاته
فوق لحدي يحمله براحة ايديه

ولي وصل قبري وحقق لي مناته
يدفن انسانه تحبه تموت فيه

علموه اني وربي من غلاته
اعشق تراب مشت رجله عليه

حلفوه يشد ويقوي ثباته
لاينزل دمع يجرح له عينيه

باكر بيندم وبيصحي من سباته
يحتضن قبري ويبكي يرتجيه

يعتذر عن جرحه وظالم سواته
معترف بالذنب لكن بعد ايه

مايفيد الصوت دام الفوت فاته
من خذاه الموت وش له يحتريه

الزمن غادر وتطحنه رحاته
ماصفا حاله على الدايم جذيه

يستوي ويقوم ويلملم شتاته
يبقى شامخ جلد صابر ونزيه

أطلبوه ايسمي وحده من بناته
بأسمي وطيفي مع بنته يجيه

طمنوه اني مسامحته لذاته
بشروه...الله يرضالي عليه

وأدفنوه بجنبي ان حانت وفاته
جنب انسانه وربي تموت فيه

وانشاء الله تنال اعجاب الجميع

ولاتنسوني بالردود الحلوه

ومنكم واليكم وياعيني عليكم