يَــ يمه

السلام عليكم ورحمة الله وبركاته ,

قصيدة قديمة جداً ,

نظراً لطبها أضعها هنا لكم ,

فاسمحوا لعيوبها ,

وعسى أن تلامس شيء من احساسكم

,


يَــ يمه بس !! تعبت اظحك وانا في داخلي بركان
حطب ناره تغذّى من " ضلوعي " ثمّ يغليني ..

يَــ يمه من ولدتيني وانا شفت الحزن أوطان ..
تبرى فرحي الي ما أبد شفته وسط عيني ..

أنا يمه خذاني هالزمن واصبحت شبه انسان ..
شعوري مندفن في دفتري وظاعت عناويني !!

يَــ يمه رجّعيني داخلج يمكن أشوف احسان !!
بدال العالم الي ما عرفت القابه الزيني ..

يَــ يمه لا تشوفيني بدون اسباب أنا حيران !!
لأنه يوم ميلادي بدى موتي يهلّيني !!

يَــ يمه شفتي الفارس غدى يومن بدون احصان ؟!
أنا فارس ولكن رجلي الي هي توديني ..

يَــ يمه شفتي أحد كثر ما يشرب يظل عطشان !
أنا كثر البحر أشرب ولكن ما يكفّيني .. !!

أنا يمه طفل ما له أبد وسط الملا عنوان ..
كبر هذا الطفل واصبح ينادي للفضا ويني ؟! ..

أنا يمه سنه متجمّعه فيها حزن أزمان !!
أنا صحرا كبيرة والمطر دايم مجافيني !!

يَــ يمه رجعيني داخلج بنسى كدر واحزان !!
مجرّد يوم واحد بعدها عادي ترديني !!

وتقبلي مروري